السلام عليكم ورحمة الله وبركاته
إليكم النكت
قالك واحد النهار كان وحد التلميذ في الامتحان تاع اللغة الفرنسية قعد يحل في الموضوع وكي وصل للفقرة ما عرفش يعبر ( الموضوع : وصف منظر طبيعي ) مالا قعد يقول للحارس وريلي الفقرة أمالا هذاك الحارس مابغاش ومبعد كي كثر عليه قالو معليش نتا قولي بالعربية وأنا نترجمهالك بالفرنسية أما هذاك التليميذ قعد يقولو: في أحد الأيام نهضت في الصباح الباكر وغسلت وجهي ثم فتحت النافذة ورأيت منظرا طبيعيا جميلا والعصافير تزقزق والسماء زرقاء والشمس ساطعة والجو جميل ........... (كثر عليه) ... أما هذاك الحارس قالو: حبس بلع التاقة وولي ترقد
****************
قالك واحد النهار واحد معسكري راح لوهران دخل لوحد البلاصة ما فيهاش الماء صاب الناس قاع رافدين زوج جيريكات ورايحين يعمرو الماء ... ومبعد كي ولا لمعسكر بدا رافد زوج جيريكات ويمشي أمالا سقساوه صحابو قالولو علاه قالهم لامودا في وهران
***************
قالك واحد النهار واحد طنح (غبي) ما يعرفش البانان كيفاه داير
ووحد المرة كان يهدر هو وصاحبو على البانان أمالا قالو بلي مانعرفش البانان أمالا ذاك صاحبو شرالو زوج كيلو بانان وقالو هاك ذوق وغدوة ردلي الخبر ...
غدوة من ذاك تلاقاو سقساه قالو جاك مليح البانان قالو البانان مليح بزاف يصح العلفة تاعو كبيرة
**************
قالك واحد النهار جابو أربعة تاع الناس . واحد ماريكاني وواحد تونسي ووحدة هندية وواحد جزائري ، وقالولهم كل واحد منكم يقلنا شتاهي الحاجة المليحة في بلادو
الماريكاني قالهم ماكاش كيما الحدود الأمريكية والتونسي قالهم ماكاش كيما الزربية التونسية و الهندية قالتلهم ما كاش كيما الضربة الهندية والجزائري قعد يخمم ...
ومبعد قالهم: ماكاش كيما الدبزة (اللكمة) الجزائري اللي تضرب المرأة الهندية وتخبطها في الزربية التونسية وتخرجها من الحدود الأمريكية
**************
أرجو أن تعجبكم
